غزل
غلام محمد وامق
دنیا کے آمروں کو خدا مانتے نہیں.
باطل کے آگے جھکنا تو ہم جانتے نہیں.
پھانسی چڑھاؤ یا کوئی گولی چلاؤ تم ۔
منزل سے پیچھے ہٹنا تو ہم جانتے نہیں.
شہرت ہمارے دم سے ملی جن کو دوستو.
اب وہ بھی ہم کو دیکھئے پہچانتے نہیں.
کچھ دوستوں کو ہم جو ملے خستہ حال میں.
کہنے لگے کہ ہم تو تمہیں جانتے نہیں .
ایسے ہوئے ہیں بدگماں انسانیت سے لوگ.
انساں پہ رحم کھانا تو وہ جانتے نہیں ۔
حرص و طمع کے بندوں کو خودغرضی سے ہے کام ۔
مہر و وفا, خلوص کو وہ مانتے نہیں ۔۔۔
وامق ! لہو سے ہم نے جو سینچا تھا گلستاں ۔۔۔
کانٹے بھی ہم کو اب وہاں پہچانتے نہیں ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفعول فاعلات مفاعیل فاعلن
بحر ۔ مضارع مثمن اخرب مکفوف محذوف
شاعر ۔ غلام محمد وامق ، محراب پور سندھ ۔
مارچ سال 1987ء میں کہی گئی غزل ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
