غلام محمد وامق
اپنے رنگین خیالوں پہ ہنسی آتی ہے ۔
کاغذی شیر جوانوں پہ ہنسی آتی ہے ۔
جن کے دم سے نہ کوئی پھول کھِلا گلشن میں ۔
ایسی بے رنگ بہاروں پہ ہنسی آتی ہے ۔
قدردانوں کی نظر سے جو بچائے خود کو ۔
ایسے خوش رنگ نظاروں پہ ہنسی آتی ہے ۔
مال و دولت کو جو اسبابِ تفاخر جانے ۔
ایسے کم ظرف کی سوچوں پہ ہنسی آتی ہے ۔
ایک مرجھائے ہوئے پھول پہ ہنستی ہیں جو ۔
ایسی نادان سی کلیوں پہ ہنسی آتی ہے ۔
کس نے روکی ہیں فصیلوں میں سحر کی کرنیں ۔
ظلمتِ شب کے فسانوں پہ ہنسی آتی ہے ۔
بیکسوں کو جو بناتے ہیں تماشا وامِق ۔
ایسے نادان جوانوں پہ ہنسی آتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاعلاتن فَعِلاتن فَعِلاتن فِعلن ۔
بحر ۔ رمل مثمن مخبون محذوف مقطوع ۔
فروری سال 1995ء میں کہی گئی غزل ۔
شاعر ۔ غلام محمد وامق ، محراب پور سندھ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
