کشمیر بنے گا پاکستان ـ یہ نعرہ ہم بچپن سے سنتے آئے اور لڑکپن میں مارتے آئے تھے، پھر ہمارے دیکھتے ہی دیکھتے کشمیر تو پاکستان نہ بن سکا البتہ، آدھا پاکستان " بنگلہ دیش " بن گیا ـ پھر ہمارے بچے بھی یہ ہی نعرہ " کشمیر بنے گا پاکستان " مارتے رہے، اور اب ماشاءاللہ ہمارے پوتے پوتیاں اور نواسے نواسیاں بھی یہ ہی نعرہ مار رہے ہیں، اور نجانے آئندہ کتنی نسلیں یہ نعرہ مار مار کر خوش ہوتی رہیں گی ...؟؟؟ ــ
مزید حیرت انگیز بات یہ ہے کہ ایک طویل عرصہ سے یہ شعر بھی ہر خاص و عام سے اور میڈیا پر سننے میں آرہا ہے کہ " جنت کسی کافر کو ملی ہے، نہ ملے گی " ـــ
چنانچہ یہ شعر سن کر ہمیں بڑا تعجب ہوتا ہے کہ، گذشتہ ترہتر 73 سالوں سے یہ جنت کس کے قبضے میں ہے ـ؟؟؟ ...
اللہ تعالیٰ ہمارے بقیہ پاکستان کی حفاظت فرمائے ...
ـــــــــــــــــــــــــــــــــــــــ تحریر ـ غلام محمد وامِق، محرابپور سندھ ... مورخہ، 05 فروری ـ 2021 ء ـــ
