غلام محمد وامقِ
دکھوں کا مداوا ہے نام محمد ۔
زباں پر ہو جاری، سلام محمد ۔
کھلے دل ملے لب محبت سے دیکھو ۔
لیا جب بھی ہم نے، یہ نام محمد ۔
ہوا ختم ظلمت کا نام و نشاں تک ۔
جہاں پر بھی آیا، نظام محمد ۔
وہ صدیق و فاروق و حیدر ہوا ہے ۔
بنا جو بھی دیکھو ، غلام محمد ۔
ہوئے دوست باہم، جو دشمن تھے پہلے ۔
عجب معجزہ ہے ، پیام محمد ۔
زبان محمد ، زبان الٰہی ۔
سراسر ہدایت کلامِ محمد ۔
یہی ایک حسرت تڑپتی ہے دل میں ۔
کہ جاں میری نکلے بنام محمد ۔
معزز جہاں میں رہے کیوں نہ وامق ۔
ازل سے رہا ہے ، غلام محمد ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فعولن فعولن فعولن فعولن ۔
بحر ۔ متقارب مثمن سالم ۔
جولائی سال 1983ء میں کہی گئی ۔
شاعر ۔ غلام محمد وامق ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
