ہائے وہ دن جو کبھی یوں بھی بسر ہوتے تھے ۔ روز و شب ساتھ مرے شمس و قمر ہوتے تھے ۔ کتنا معصوم زمانہ تھا وہ بچپن اپنا ۔ ہاتھ میں ہاتھ تھا بے خوف و خطر ہوتے تھے ۔ آج کیوں بیٹھے ہیں راہوں میں تھکے ماندے سے ۔ سوئے منزل جو سدا محوِ سفر ہوتے تھے ۔ ہم ترے شہر سے نکلے تو یہ لوگوں نے کہا ۔ اِس نگر میں بھی کبھی اہلِ ہنر ہوتے تھے ۔ کیا ہوا آج ہیں گر سوکھی ہوئی ٹہنیاں چند ۔ اِس شجر پر بھی کبھی برگ و ثمر ہوتے تھے ۔ اب حقارت سے جنہیں دیکھ رہی ہے دنیا ۔ سوچ یہ بھی تو کبھی نورِ نظر ہوتے تھے ۔ ہائے کیسا تھا وہ دلدوز زمانہ وامِق ۔ دیکھ صحرا میں یا جنگل میں یا گھر ہوتے تھے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فاعلاتن فَعِلاتن فَعِلاتن فِعلن ۔ بحر۔ رمل مثمن مخبون محذوف مقطوع ۔ نومبر سال 1986ء میں کہی گئی غزل ۔ شاعر ۔ غلام محمد وامِق ۔

===   غزل    === 

غلام محمد وامِق 

ہائے وہ دن جو کبھی یوں بھی بسر ہوتے تھے ۔ 

روز و شب ساتھ مرے شمس و قمر ہوتے تھے ۔ 

کتنا معصوم زمانہ تھا وہ بچپن اپنا ۔ 

ہاتھ میں ہاتھ تھا بے خوف و خطر ہوتے تھے ۔ 

آج کیوں بیٹھے ہیں راہوں میں تھکے ماندے سے ۔ 

سوئے منزل جو سدا محوِ سفر ہوتے تھے ۔ 

ہم ترے شہر سے نکلے تو یہ لوگوں نے کہا ۔ 

اِس نگر میں بھی کبھی اہلِ ہنر ہوتے تھے ۔ 

کیا ہوا آج ہیں گر سوکھی ہوئی ٹہنیاں چند ۔ 

اِس شجر پر بھی کبھی برگ و ثمر ہوتے تھے ۔ 

اب حقارت سے جنہیں دیکھ رہی ہے دنیا ۔ 

سوچ یہ بھی تو کبھی  نورِ نظر ہوتے تھے ۔ 

ہائے کیسا تھا وہ دلدوز زمانہ وامِق ۔ 

دیکھ صحرا میں یا جنگل میں یا گھر ہوتے تھے ۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

فاعلاتن فَعِلاتن فَعِلاتن فِعلن ۔ 

بحر۔ رمل مثمن مخبون محذوف مقطوع ۔ 

نومبر سال 1986ء میں کہی گئی غزل ۔ 

شاعر ۔ غلام محمد وامِق ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

SHARE THIS