ہو صداقت عشق میں تو مر نہیں سکتا کوئی ۔ آتشِ نمرود میں بھی رہتا ہے زندہ کوئی ۔ ہے چمن میں شور برپا دامنِ گُل تار تار ۔ پی کے رس پھولوں کا سارا اڑ گیا بھؤنرا کوئی ۔ موسمِ گل میں گلوں کی اُڑ رہی ہیں دھجیاں ۔ اِس ستم کا اہلِ گلشن ہے کہیں چرچا کوئی ؟ ہیں طلب کے راستے میں چار سُو ویرانیاں ۔ ہے شجَر کا، اور نہ دیوار کا سایہ کوئی ۔ جستجوئے شوق میں دیکھو کہاں منزل ملے ۔ جانبِ مقتل چلا تو جانبِ صحرا کوئی ۔ کردیا پتھر تیری جادو نگاہی نے اُسے ۔ چلتے چلتے جب پلٹ کر اِک نظر دیکھا کوئی ۔ بے رخی تیری کہاں تک دل کو تڑپائے گی اب ۔ موت سے پہلے ہی تڑپا ، جس قدر تڑپا کوئی ۔ ایک دن دنیا سے جانا ہے تجھے بھی دیکھ لے ۔ تا ابد دنیا میں وامِق ! تونے ہے دیکھا کوئی ؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فاعلاتن فاعلاتن فاعلاتن فاعلن ۔ بحر ۔ رمل مثمن محذوف ۔ شاعر ۔ غلام محمد وامق ، محراب پور سندھ ۔ جولائی سال 1983ء میں کہی گئی غزل ۔۔۔

 ===  غــزل  === 

     غلام محمد وامق 

ہو صداقت عشق میں تو مر نہیں سکتا کوئی ۔ 

آتشِ نمرود میں بھی رہتا ہے زندہ کوئی ۔ 

ہے چمن میں شور برپا دامنِ گُل تار تار ۔ 

پی کے رس پھولوں کا سارا اڑ گیا بھؤنرا کوئی ۔ 

موسمِ گل میں گلوں کی اُڑ رہی ہیں دھجیاں ۔ 

اِس ستم کا اہلِ گلشن ہے کہیں چرچا کوئی ؟ 

ہیں طلب کے راستے میں چار سُو ویرانیاں ۔ 

ہے شجَر کا، اور نہ دیوار کا سایہ کوئی ۔ 

جستجوئے شوق میں دیکھو کہاں منزل ملے ۔ 

جانبِ مقتل چلا تو جانبِ صحرا کوئی ۔ 

کردیا پتھر تیری جادو نگاہی نے اُسے ۔ 

چلتے چلتے جب پلٹ کر اِک نظر دیکھا کوئی ۔ 

بے رخی تیری کہاں تک دل کو تڑپائے گی اب ۔ 

موت سے پہلے ہی تڑپا ، جس قدر تڑپا کوئی ۔

ایک دن دنیا سے جانا ہے تجھے بھی دیکھ لے ۔ 

تا ابد دنیا میں وامِق ! تونے ہے دیکھا کوئی ؟ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

فاعلاتن فاعلاتن فاعلاتن فاعلن ۔ 

بحر ۔ رمل مثمن محذوف ۔

شاعر ۔ غلام محمد وامق ، محراب پور سندھ ۔ 

جولائی سال 1983ء میں کہی گئی غزل ۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

SHARE THIS