" ہم دیکھیں گے " فیض احمد فیض سے معذرت کے ساتھ ـ ـــــــــــــ غلام محمد وامِق = ہم دیکھیں گے ـ ہم دیکھیں گے ـ لازم ہے کہ ہم بھی دیکھیں گے ـ صدیوں سے یہ ہی کچھ ہوتا رہا ـ اور اب بھی یہ ہی کچھ ہوتا ہے ـ نادار یہاں دُکھ سہتا ہے ـ ہم دیکھیں گے ........ وہ خوشیاں کہ جن کا وعدہ ہے اور جو دستور میں لکھی ہیں ـ رُوئی کی طرح اڑ جائیں گی ـ ہم دیکھیں گے ....... یہ ظلم و ستم کے کوہِ گراں ـ جو روز ہی بڑھتے جاتے ہیں ـ اور روز ہی بڑھتے جائیں گے ـ ہم دیکھیں گے ....... جب ہر حاکم کے پاؤں تلے ـ ہم محکوموں کی ہر خواہش ـ پھر پاؤں سے روندی جائے گی ـ ہم دیکھیں گے ....... ہم اہلِ قفس کے ہر گھر پر ـ جب بجلی کڑ کڑ کڑکے گی ـ اور دھرتی دھڑ دھڑ دھڑکے گی ـ ہم دیکھیں گے ...... جب ارضِ خدا کے کعبے سے ـ حُجّاج کو روکا جائے گا ـ جب مسجد، بند ہوجائے گی ـ # ہم دیکھیں گے ....... اور ہم جیسے مردودِ حَرَم ـ نظروں سے گرائے جائیں گے ـ زنجیروں میں جکڑے جائیں گے ـ ہم دیکھیں گے ....... اور جو بھی بات کرے گا حق ۔ سولی پہ چڑھایا جائے گا ـ مصلوب بنایا جائے گا ۔ ہم دیکھیں گے ....... بس نام رہے گا، اللہ کا ـ اور ماننے والا کوئی نہیں ـ اسے پوجنے والا کوئی نہیں ـ ہم دیکھیں گے ....... اور مٹتی رہے گی، خلقِ خدا ـ جو میں بھی ہوں، اور تم بھی ہو ـ ہاں، میں بھی ہوں، اور تم بھی ہو ـ ہم دیکھیں گے ....... صدیوں سے یہ ہی کچھ ہوتا رہا ـ اور اب بھی یہ ہی کچھ ہوتا ہے ـ تُو کس لئے وامِق! روتا ہے ؟ ـ ہم دیکھیں گے ........ لازم ہے کہ ہم بھی دیکھیں گے ــ ہم دیکھیں گے ...... ــــــــــــــــــــــــــــــــــــــــــــــــــــ فِعلن فَعِلن فِعلن فَعِلن ۔ فِعلن فَعِلن فِعلن فِعلن ۔ بحر زمزمہ/ متدارک مربع مضاعف ۔ شاعر ـ غلام محمد وامِق، محرابپور سندھ ـ مورخہ، 17، اپریل 2020 ـ کو کہی گئی ـ # کورونا وائرس کے زمانے میں دنیا یہ تماشا بھی دیکھ چکی ہے ۔

 ـ ===  " ہم دیکھیں گے "  ===

فیض احمد فیض سے معذرت کے ساتھ ـ

ــــــــــــــــــــــــــــــــــــــــــــــــــــــــ 

       غلام محمد وامِق 

ہم دیکھیں گے ـ  ہم دیکھیں گے ـ

لازم ہے کہ  ہم بھی دیکھیں گے ـ

صدیوں سے یہ ہی کچھ ہوتا رہا ـ

اور اب بھی یہ ہی کچھ ہوتا ہے ـ

نادار یہاں  دُکھ سہتا ہے ـ 

                                         ہم دیکھیں گے ........

وہ خوشیاں کہ جن کا وعدہ ہے

اور جو دستور میں لکھی ہیں ـ

رُوئی کی طرح اڑ جائیں گی ـ

                                            ہم دیکھیں گے .......

یہ ظلم و ستم کے کوہِ گراں ـ

جو روز ہی بڑھتے جاتے ہیں ـ

اور روز ہی بڑھتے جائیں گے ـ

                                        ہم دیکھیں گے .......

جب ہر حاکم کے پاؤں تلے ـ

ہم محکوموں کی ہر خواہش ـ

پھر پاؤں سے روندی جائے گی ـ

                                          ہم دیکھیں گے .......

ہم اہلِ قفس کے ہر گھر پر ـ 

جب بجلی کڑ کڑ کڑکے گی ـ

اور دھرتی دھڑ دھڑ دھڑکے گی ـ

                                            ہم دیکھیں گے ......

جب ارضِ خدا کے کعبے سے ـ

حُجّاج  کو روکا جائے گا ـ 

جب مسجد، بند ہوجائے گی ـ  #

                                        ہم دیکھیں گے .......

اور ہم جیسے مردودِ حَرَم ـ

نظروں سے گرائے جائیں گے ـ

زنجیروں میں جکڑے جائیں گے ـ 

                                       ہم دیکھیں گے ....... 

اور جو بھی بات کرے گا حق ۔ 

سولی پہ چڑھایا جائے گا ـ 

مصلوب بنایا جائے گا ۔ 

                                        ہم دیکھیں گے ....... 

بس نام رہے گا،  اللہ کا ـ 

اور ماننے والا کوئی نہیں ـ

اسے پوجنے والا کوئی نہیں ـ

                                        ہم دیکھیں گے ....... 

اور مٹتی رہے گی، خلقِ خدا ـ

جو میں بھی ہوں، اور تم بھی ہو ـ

ہاں، میں بھی ہوں، اور تم بھی ہو ـ

                                       ہم دیکھیں گے ....... 

صدیوں سے یہ ہی کچھ ہوتا رہا ـ

اور اب بھی یہ ہی کچھ ہوتا ہے ـ

تُو کس لئے  وامِق!  روتا ہے ؟  ـ

                                       ہم دیکھیں گے ........ 

لازم ہے کہ ہم بھی دیکھیں گے ــ ہم دیکھیں گے ...... 

ــــــــــــــــــــــــــــــــــــــــــــــــــــ 

فِعلن فَعِلن فِعلن فَعِلن ۔ 

فِعلن فَعِلن فِعلن فِعلن ۔ 

بحر زمزمہ/ متدارک مربع مضاعف ۔ 

شاعر ـ غلام محمد وامِق، محرابپور سندھ ـ

مورخہ، 17، اپریل 2020 ـ کو کہی گئی ـ 

# کورونا وائرس کے زمانے میں دنیا یہ تماشا بھی دیکھ چکی ہے ۔

SHARE THIS