باپ کی خواہش پر حضرت اسماعیل نے اپنی بیوی کو طلاق دے دی ۔ یہ ایک طویل حدیث کا ایک ٹکڑے کا عکس ہے ۔ روایت کے مطابق حضرت ابراہیم جب فلسطین سے مکہ میں اپنے بیٹے سے ملنے آئے تو گھر پر اسماعیل نہیں تھے ، مگر ان کی بیوی تھی جس نے پوچھنے پر کہا کہ گھر کے معاشی حالات بہت ابتر ہیں بڑی مشکل سے گزارا ہوتا ہے ، تو اس پر حضرت ابراہیم نے کہا کہ جب اسماعیل آئے تو انہیں کہنا کہ اپنے گھر کی چوکھٹ تبدیل کر لے ۔ یہ اشارہ تھا کہ تمہاری بیوی شکر گزار نہیں ہے ،اس لئے اس کو چھوڑ دو ۔ پھر کچھ عرصہ بعد دوبارہ حضرت ابراہیم آئے تو اس بار دوسری بیوی تھی ، اس نے کہا کہ اللّٰہ تعالیٰ کا شکر ہے گھر میں بہت فراوانی ہے اور بہت خوشحالی ہے ، تو ابراہیم نے کہا کہ اسماعیل آئے تو اسے کہنا کہ گھر کی چوکھٹ مضبوط ہے اس کو حفاظت سے رکھے ۔ حدیث نمبر ۔ 3364 ، صحیح بخاری