=== غزل ===
غلام محمد وامِق
دِیا جلے نہ جلے کوششیں تو کرتے رہیں ۔
ہوا تھمے نہ تھمے کوششیں تو کرتے رہیں ۔
قضا کے منصبِ عالی پہ بہرے بیٹھے ہیں ۔
کوئی سنے نہ سنے کوششیں تو کرتے رہیں ۔
نہیں ہے اب وہ زمانہ کہ شب کی سَحَر بھی ہو ۔
سَحَر ملے نہ ملے کوششیں تو کرتے رہیں ۔
میں جانتا ہوں کہ منزل نہیں قریب مرے ۔
سفر کٹے نہ کٹے کوششیں تو کرتے رہیں ۔
پھنسی ہے لہروں میں کشتی تو خیر ہے وامِق ۔
بھَنوَر رکے نہ رکے کوششیں تو کرتے رہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفاعلن فَعِلاتن مفاعلن فَعِلن ۔
بحر ۔ مجتث مثمن مخبون محذوف ۔
شاعر ۔ غلام محمد وامِق ۔
مئی سال 2024ء میں کہی گئی غزل ۔