******* سنگین غزل *******
ـــــــــــــــــــــــــــــــــــــــــــــــــ غلام محمد وامِق ـ
کیا جانے کیا سمجھا رہے ہیں، مولوی صاحب ...
یہ وعظ جو فرما رہے ہیں، مولوی صاحب ...
یہ کہہ رہے ہیں، روکھی سوکھی کھانا ہے سنت ...
خود شیرمال، کھا رہے ہیں، مولوی صاحب ...
کس کی مجال کون چلے، اِن کے برخلاف ...
جنت عطا فرما رہے ہیں، مولوی صاحب ...
اپنے مخالفین پر، یہ کفر کے فتوے ...
ہر روز ہی لگا رہے ہیں، مولوی صاحب ...
خود کو کسی بھی عمل کی توفیق ہی نہیں ...
بس حُکم ہی، فرما رہے ہیں، مولوی صاحب ...
کتنے ہیں خوش نصیب، کہ شادی ہو مرگ ہو ...
حلوہ ضرور کھا رہے ہیں، مولوی صاحب ...
شاید نہ کوئی سیٹ ملے ہم کو خُلد میں ...
فردوس بُک کروا رہے ہیں، مولوی صاحب ...
مسلم ہیں سارے، ایک ہی مرکز پہ متفق ...
یہ تفرقہ پھیلا رہے ہیں، مولوی صاحب ...
چُغلی تُو کھا رہا ہے مگر، دیکھ لے وامِق ...
تیری طرف ہی آرہے ہیں، مولوی صاحب ...
ــــــــــــــــــــــــــــ مئی 1986ء، میں کہی گئی ـ ـ ـ ـ ـ
اپنی کتاب " نقشِ وفا " سے انتخاب .....
