آؤ پھر چاکِ گریباں کا تماشا دیکھیں ـ پھر وہی دشتِ جنوں، درد کا صحرا دیکھیں ـ آؤ دیکھیں کہ چمن میں ہیں نئے پھول کھلے ـ اور ٹوٹے ہوئے پھولوں کا سسکنا دیکھیں ۔۔۔ بڑھتے کیوں رہتے ہیں طوفانِ بلاخیز یہاں؟ ـ بحرِ ظلمات کا ہم چیر کے سینہ دیکھیں ـ۔۔ کاش آئے مرے بچپن کا زمانہ پھر سے ۔۔۔ پھر وہی ہاتھ میں تختی، وہی بستہ دیکھیں ـ یہ عجب شوقِ ملاقات کا عالَم ہے کہ ہم ـ جس قدر تم سے ملیں، شوق کو بڑھتا دیکھیں ـ ایک ہی شکل بسی ہے یوں دل و جان میں اب ـ تم نہیں ہو تو کوئی دوسرا تم سا دیکھیں ـ تجھ سے مِل کر یہ ہی الجھن رہی اکثر ہم کو ـ گفتگو تجھ سے کریں، یا تیرا چہرہ دیکھیں ـ کوئی وامِق کا نہیں، دوست یہاں پر شاید ـ جب بھی دیکھیں تو اسے شہر میں تنہا دیکھیں ـ ـــــــــــــــــــــــــــــــــــــــــــــ فاعلاتن فَعِلاتن فَعِلاتن فِعلن ۔ فاعلاتن فَعِلاتن فَعِلاتن فَعِلن ۔ بحر ۔ رمل مثمن مخبون محذوف مقطوع === ۔ رمل مثمن سالم مخبون محذوف ۔ مارچ 1985ء، میں کہی گئی غزل ... شاعر ۔ غلام محمد وامق محراب پور سندھ ۔

=====  غــــزل  ===== 

      غلام محمد وام

آؤ پھر چاکِ گریباں کا تماشا دیکھیں ـ

پھر وہی دشتِ جنوں، درد کا صحرا دیکھیں ـ 

آؤ دیکھیں کہ چمن میں ہیں نئے پھول کھلے ـ

اور ٹوٹے ہوئے پھولوں کا سسکنا دیکھیں ۔۔۔ 

بڑھتے کیوں رہتے ہیں طوفانِ بلاخیز یہاں؟ ـ

بحرِ ظلمات کا ہم چیر کے سینہ دیکھیں ـ۔۔ 

کاش آئے مرے بچپن کا زمانہ پھر سے ۔۔۔ 

پھر وہی ہاتھ میں تختی، وہی بستہ دیکھیں ـ

یہ عجب شوقِ ملاقات کا عالَم ہے کہ ہم ـ

جس قدر تم سے ملیں، شوق کو بڑھتا دیکھیں ـ

ایک ہی شکل بسی ہے یوں دل و جان میں اب ـ

تم نہیں ہو تو کوئی دوسرا تم سا دیکھیں ـ 

تجھ سے مِل کر یہ ہی الجھن رہی اکثر ہم کو ـ

گفتگو تجھ سے کریں، یا تیرا چہرہ دیکھیں ـ 

کوئی وامِق کا نہیں، دوست یہاں پر شاید ـ

جب بھی دیکھیں تو اسے شہر میں تنہا دیکھیں ـ

ـــــــــــــــــــــــــــــــــــــــــــــ  

فاعلاتن فَعِلاتن فَعِلاتن فِعلن ۔ 

فاعلاتن فَعِلاتن فَعِلاتن فَعِلن ۔ 

بحر ۔ رمل مثمن مخبون محذوف مقطوع 

=== ۔ رمل مثمن سالم مخبون محذوف ۔ 

مارچ 1985ء، میں کہی گئی غزل ...

شاعر ۔ غلام محمد وامق محراب پور سندھ ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

Read More

• Share