؟؟؟؟؟ جِنّات کا اثر ؟؟؟؟؟
غلام محمد وامِق
لگتا ہے مُلک بھر میں جِنّات کا اثر ہے ـ
اسلام کے نگر میں، جنات کا اثر ہے ـ
پیدا ہوا تھا جب یہ، شہ رگ کٹی ہوئی تھی
سب نے یہ سمجھا گھر میں، جنات کا اثر ہے ـ
قائد کی ایمرجنسی، گاڑی خراب کیوں تھی؟
سب نے کہا سفر میں، جنات کا اثر ہے ـ
اِس گھر کے مالکوں کو مارا گیا اچانک ۔
اِس گھر کے بام و در میں جنات کا اثر ہے ـ
مارا گیا ہے دیکھو، ہر رہنما یہاں پر ـ
ہر رہنما کے گھر میں، جنات کا اثر ہے ـ
گِرتی ہیں بجلیاں کیوں میرے ہی اس چمن پر؟
شاید کہ ہر شجَر میں، جنات کا اثر ہے ـ
اپنے وطن کو وامِق ! کیسے بچائیں آخر ؟ ۔
لگتا ہے بحر و بَر میں، جنات کا اثر ہے ـ
ـــــــــــــــــــــــــــــــــــــــــــــــــــ
مفعول فاعلاتن مفعول فاعلاتن ۔
بحر ۔ رمل مثمن مشکول مسکّن ۔
شاعر ـ غلام محمد وامِق محراب پور سندھ ۔
مورخہ، 18 نومبر، 2019 کو لکھی گئی ـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔