غالب کی زمین میں غزل ۔ غلام محمد وامق سب حسابِ دوستاں و دشمناں ہو جائے گا ۔ روزِمحشر جب جمع سارا جہاں ہو جائے گا ۔ تیرا ہر مخفی عمل اِک دن عیاں ہو جائے گا ۔ جو کئے افعال ان کا امتحاں ہو جائے گا ۔ پھر تمہارا زعمِ ہستی اور نشاں پوچھیں گے ہم ۔ اِس جہاں کا ہر نشاں جب بے نشاں ہو جائے گا ۔ نغمے گاؤ بلبلو دو دن کی ہوتی ہے بہار ۔ جلد ہی پھولوں سے خالی گلستاں ہو جائے گا ۔ باتوں ہی باتوں میں اُن کا ہاتھ دل پر رکھ لیا ۔ کیا خبر تھی رازِ دل یوں بھی عیاں ہو جائے گا ۔ ناز کرنا ہے ادائے دلبری، مانا مگر ۔۔۔۔ کیا کرو گے جب میرا دل بدگماں ہو جائے گا ۔ آنکھ کی تصویر ہم نے خط میں بھیجی اس لئے ۔ انتظارِ دید شاید کچھ عیاں ہو جائے گا ۔۔۔ دیکھ دھوکا کھائے گا تُو رازِ سربستہ نہ کھول ۔ تیرا دشمن خود تیرا ہی راز داں ہو جائے گا ۔ دُور سے لگتا ہے وامِق آسماں جھکتا ہوا ۔ پاس جا کر دیکھ لے دور آسماں ہو جائے گا ۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاعر ۔ غلام محمد وامق ، محراب پور سندھ ۔ فروری سال 1984ء میں کہی گئی ۔۔۔

 

غالب کی زمین میں غزل ۔ 

===   غزل   === 

                 غلام محمد وامق 

تیرا ہر مخفی عمل اِک دن عیاں ہو جائے گا ۔ 

جو کئے افعال ان کا امتحاں ہو جائے گا ۔ 

پھر تمہارا زعمِ ہستی اور نشاں پوچھیں گے ہم ۔ 

اِس جہاں کا ہر نشاں جب بے نشاں ہو جائے گا ۔ 

نغمے گاؤ بلبلو دو دن کی ہوتی ہے بہار ۔ 

جلد ہی پھولوں سے خالی گلستاں ہو جائے گا ۔ 

باتوں ہی باتوں میں اُن کا ہاتھ دل پر رکھ لیا ۔ 

کیا خبر تھی رازِ دل یوں بھی عیاں ہو جائے گا ۔ 

ناز کرنا ہے ادائے دلبری،  مانا مگر ۔۔۔۔ 

کیا کرو گے جب میرا دل بدگماں ہو جائے گا ۔ 

آنکھ کی تصویر ہم نے خط میں بھیجی اس لئے ۔ 

انتظارِ دید شاید کچھ عیاں ہو جائے گا ۔۔۔ 

دیکھ دھوکا کھائے گا تُو رازِ سربستہ نہ کھول ۔ 

تیرا دشمن خود تیرا ہی راز داں ہو جائے گا ۔ 

دُور سے لگتا ہے وامِق آسماں جھکتا ہوا ۔ 

پاس جا کر دیکھ لے دور آسماں ہو جائے گا ۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

فاعلاتن فاعلاتن فاعلاتن فاعلن

بحر ۔ رمل مثمن محذوف 

شاعر ۔ غلام محمد وامق ، محراب پور سندھ ۔ 

فروری سال 1984ء میں کہی گئی ۔۔۔

SHARE THIS