میرے کہے گئے چند قطعات ملاحظہ فرمائیں ۔۔۔
۔۔۔۔۔۔۔۔۔۔ غلام محمد وامق ۔۔۔۔۔۔۔۔۔۔۔
۔۔۔۔۔۔۔ پھول ۔۔۔۔۔۔۔
جُوڑے میں اُس نے پھول سجایا ہے اِس طرح ۔
تاریکیوں میں شمع جلائی ہو جس طرح ۔
زلفوں میں چہرہ رات می روشن ہے ماہتاب ۔
جلتی ہے دیکھو چاندنی میں شمع کس طرح ۔
فروری سال 1982ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔ منظر ۔۔۔۔۔۔۔
ہاں وہ ایک منظر نظر میں سما گیا ۔
محسوس یوں ہوا کہ اندھیرا ہے چھا گیا ۔
سیاہ رات نے کہ جیسے سورج نگل لیا ۔
جب اُس کا رخِ روشن زلفوں میں چھپ گیا ۔
جولائی سال 1979ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔ قطعہ ۔ آس ۔۔۔۔۔۔۔
کِس کی تلاش میں ہے نظر، دل اداس ہے ؟
شاید کسی کے ملنے کی ان کو بھی آس ہے ۔
دیکھوں جدھر بھی تیرا ہی جلوہ ہے ہر طرف ۔
لگتا ہے مجھ کو یوں کہ تُو ہی آس پاس ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفعول فاعلات مفاعیل فاعلن
بحر۔ مضارع مثمن اخرب مکفوف محذوف
شاعر ۔ غلام محمد وامِق ۔
ستمبر سال 1994ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔ سیاست دان ۔۔۔۔۔۔۔
کہ جیسے گورا کوئی کتّا اپنے ساتھ رکھتا ہے ۔
غریبوں کو یہاں پر سیٹھ ایسے ساتھ رکھتا ہے ۔
سپاہی پہلے جیسے جنگ میں اِک ڈھال رکھتا تھا ۔
سیاستدان یوں لوگوں کو اپنے ساتھ رکھتا ہے ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفاعیلن مفاعیلن مفاعیلن مفاعیلن
بحر ۔ ہزج مثمن سالم
شاعر ۔ غلام محمد وامِق
دسمبر سال 1985ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔ محبت ۔۔۔۔۔۔۔
محبّت ہی جہاں میں باعثِ تخلیقِ آدم ہے ۔
محبت معرفت ہے اور یہ ہی مقصودِ عالم ہے ۔
محبت ہی سے پیدا ہوتی ہے انساں میں درویشی ۔
محبت درحقیقت جوہرِ ارواحِ آدم ہے ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفاعیلن مفاعیلن مفاعیلن
بحر ۔ ہزج مثمن سالم ۔
اگست سال 1985ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔ پیروڈی ۔۔۔۔۔۔۔۔
مومن خان مومن سے معذرت کے ساتھ
ناوَک انداز جدھر دیدہء جاناں ہوں گے "۔ "
قتل و غارت کے وہیں دیکھئے ساماں ہوں گے ۔
جلوہ افروز جہاں ہوں گے یہ نازک اندام ۔
کرفیو لگنے کے آثار نمایاں ہوں گے ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاعلاتن فَعِلاتن فَعِلاتن فِعلن
بحر۔ رمل مثمن مخبون محذوف مقطوع
فروری سال 1995ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔ جالب ۔۔۔۔۔۔۔۔۔۔
سرمائے کا خوگر تھا نہ شہرت کا وہ طالب ۔
مفلس تھا مگر بادشاہوں پہ تھا وہ غالب ۔
حق کے لئے ہر دور میں زہر کا پیالہ ۔
پی کر جو ہوا امر وہ سقراط ہے جالب ۔
اپریل سال 1993ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
=== محراب پور ===
بغض و حسد سے شہر جو بھرپور ہو گیا ۔
مہر و وفا کے نام سے یہ دور ہو گیا ۔
علم و ادب کی روشنی اس میں نہیں رہی
محراب پور دیکھئے بے نور ہو گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفعول فاعلات مفاعیل فاعلن
بحر۔ مضارع مثمن اخرب مکفوف محذوف
شاعر ۔ غلام محمد وامق
جنوری سال 1984ء میں کہا گیا قطعہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔ دو متفرق اشعار ۔۔۔۔۔۔۔۔۔
ہے اِس دل میں قائم تیری یاد اب بھی ۔
کوئی ٹوٹے گھر میں ہے آباد اب بھی ۔
اکتوبر سال 1985ء ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ موجود ہے اور نہ معدوم ہے ۔
یہ دنیا حقیقت میں موہوم ہے ۔
ستمبر سال 1998ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھی قطعہ ۔۔۔۔ چو سٽو ........
تون مجبور سمجھي جفاؤن ڀلي ڪر...
مان ديوانو آھيان وفاؤن ڪريان ٿو...
صبح شام مون کي تون پٿر ڀلي ھڻ....
سڄڻ مان ته توکي دعائون ڪريان ٿو...
نومبر سال 1987ء ....
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حقوقِ مرداں ـ (طنز و مزاح)
ـــــــــــــــــــــــــــــــــ
حقوقِ نسواں کے دعویداروں سے پوچھتا ہے یہ مردِ ناداں ۔
حقوقِ مرداں بھی ہیں کہیں، یا ہمیں تہی دست کردیا ہے؟
یہ تم نے مظلوم کی ہے عورت، مگر ہماری تو نوے فیصد ـ
لگا کے بیٹھی ہیں مارشلا، گھروں کو دہشت سے بھر دیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفاعلاتن مفاعلاتن مفاعلاتن مفاعلاتن ۔
بحر ۔ جمیل مثمن سالم ۔ شاعر ـ غلام محمد وامِق ۔
مورخہ 21 اکتوبر، 2006 کو کہا گیا قطعہ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
★★★ روزہ ★★★
یوں تو ہم سب ہی روزہ رکھتے ہیں ۔
کتنے ہیں اصل روزہ دار یہاں؟
کتنے بچتے ہیں جھوٹ سے اور کون؟
سود کھاتے ہیں سود کار یہاں ؟ ۔۔۔
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
فاعلاتن مفاعلن فَع٘لن ۔
فاعلاتن مفاعلن فَعِلاتن ۔
بحر ۔ خفیف مسدس مخبون محذوف ۔
غلام محمد وامِق، محراب پور سندھ ـ
مورخہ 30 اگست سال 2007ء میں کہا گیا قطعہ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔ قطعہ ۔۔۔
اہلِ نظر دلیل سے کرتے ہیں گفتگو ۔
ناداں جو ہیں وہ بات کبھی تولتے نہیں ۔
اہلِ ہَوَس نے شور مچایا ہو جس جگہ ۔
ایسی جگہ پہ ہم کبھی کچھ بولتے نہیں ۔
(شاعر ۔ غلام محمد وامق)
مفعول فاعلات مفاعیل فاعلن
مضارع مثمن اخرب مکفوف محذوف
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
=== نیا سال ===
نیا سال سب کو مبارک ہو لیکن ...
نئے سال میں سب مسائل پرانے ...
غریبوں کے گھر میں وہی تنگ دستی ...
بدلنے کو یوں تو ہیں بدلے زمانے ...
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فعولن فعولن فعولن فعولن
بحر ۔ متقارب مثمن سالم
شاعر ۔غلام محمد وامِق ـ
یکم جنوری سال 2023 ء بروز اتوار کو کہی گئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عام پاکستانی کی دعا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس ملک کے نظام سے اکتا گیا ہوں میں ۔
اب ملک پاک میں ہوا جینا میرا حرام ۔
اب کافروں کے دیس کا ویزا ہی کر عطا ۔
اب میں رہوں گا یورپ ناپاک میں مُدام ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفعول فاعلات مفاعیل فاعلن ۔
مفعول فاعلات مفاعیل فاعلات ۔
بحر ۔ مضارع مثمن اخرب مکفوف محذوف ۔
شاعر ۔ غلام محمد وامق، محراب پور سندھ ۔
تاریخ ۔ 16 ستمبر سال 2023ء بروز ہفتہ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
=== ریاکاری کی عبادت ===
غلام محمد وامِق
رکھنے کو روزے بھی رکھے اور حج بھی ہر اِک سال کیا ۔
لیکن نہ حسد کی آگ بجھی اور نا ہی اَنا کا خون ہُوا ـ
پڑھ پڑھ کے نمازیں مسجد میں اوراد و وضائف خوب کئے ۔
لیکن نہ ادب کوئی سیکھا اور نا ہی طمع کا روگ گیا ـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فِعلن فِعلن فِعلن فِعلن فِعلن فِعلن فِعلن فَعِلن ۔
فِعلن فَعِلن فِعلن فَعِلن فِعلن فَعِلن فِعلن فَعِلن ۔
بحر زمزمہ/ متدارک مثمن مضاعف ۔
شاعر ـ غلام محمد وامِق، محراب پور سندھ ـ
مورخہ 25 ، اپریل 2022ء کو کہا گیا قطعہ ـ
مطابق ـ 22 رمضان المبارک 1443 ھجری ـ بروز پیر ـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*** نشاں مِٹ جائے گا ***
ــــــــــــــــــــــــــــــــ
غلام محمد وامِق
یہ جہاں فانی ہے، اِک دن یہ جہاں مِٹ جائے گا ...
یہ زمیں کیا چیز ہے، یہ آسماں مِٹ جائے گا ...
گر یوں ہی چلتا رہا، بے سمت جو یہ قافلہ ...
منزلیں تو منزلیں، اپنا نشاں مِٹ جائے گا ...
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاعلاتن فاعلاتن فاعلاتن فاعلن
بحر ۔ رمل مثمن محذوف ۔
شاعر ـ غلام محمد وامِق ۔
26 جولائی 2021ء کو کہا گیا ـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔