★★★ غــــــــزل ★★★
غلام محمد وامِق
حرص و ہوَس کا دیکھئے ہر سُو لگا بَزار ۔۔۔
ایسے میں جی رہے ہیں مگر زندگی بےکار ...
ویرانیاں ہیں دور تک اب دل میں جاگزیں ...
اپنی بلا سے، موسمِ ساون ہو یا بہار ...
شہرِ خلوص میں ہوا ہے، دل لہو لہو ...
اِخلاص کے بجائے ملے ہر قدم پہ خار ۔۔۔
مُدّت ہوئی دیارِ وفا کو تباہ ہُوئے ...
تم کو ملیں گے اب وہاں کھنڈرات بیشمار ...
راہِ وفا کے معنی بتاتے ہو تم مجھے ! ...
اِس رہ گزر پہ چل کے ہی پہنچا ہوں سُوئے دار ۔۔۔
تم اِس نظامِ ظلم میں رہتے ہو خوش، مگر ...
اور ہم کو اس نظام کا ہر لمحہ نا گوار ۔۔۔
طبقات کی دیوار ہو گر دل کے درمیاں ۔۔۔
انسانیت کی راہ ہو، پھر کیسے استوار ؟ ...
وامِق نہیں ہے تم سے گِلا، چاہے جو کرو ۔۔۔
کرتے ہیں ہم وفا تو وفا کے ہیں پاس دار ۔۔۔
ـــــــــــــــــــــــــــــــــــــــ
مفعول فاعلات مفاعیل فاعلن ۔
مفعول فاعلات مفاعیل فاعلات ۔
بحر ۔ مضارع مثمن اخرب مکفوف محذوف ۔
شاعر ـ غلام محمد وامِق، محراب پور سندھ ـ
اپریل 1991ء میں کہی گئی غزل ...
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
