ساقی جاوید سے معذرت کے ساتھ " چاند میری زمیں پھول میرا وطن " شاعر ـ غلام محمد وامِق = اِس کے افسر فقط عیش کرتے رہے ـ سانپ بن کے اسے سارے ڈستے رہے ـ اس کے دہقاں ہمیشہ رہے ننگے تن ــ چاند میری زمیں، پھول میرا وطن ـ باغباں اِس چمن کو جلاتے رہے ـ حکمراں ملک کو بیچ کھاتے رہے ـ اور تڑپتا رہا، اس کا ہر مرد و زن ـ چاند میری زمیں، پھول میرا وطن ـ دیکھو مٹی سے بھرپور اس کی نَہَر ـ اِس کے کھلیان سارے ہوئے بے ثمر ـ اور سُلگتے رہے اِس کے کوہ و دمن ـ چاند میری زمیں، پھول میرا وطن ـ کوئی اِس کا مسیحا بھی ملتا نہیں ـ کوئی فریاد اِس کی کو سنتا نہیں ـ کَرگسوں کا یہ مَسکن، بنا ہے چمن ـ چاند میری زمیں، پھول میرا وطن ـ اِس میں آباد تھے دیکھو اہلِ ہُنَر ۔ روشنی سے مُنوّر تھا ہر اِک نگر ۔ چاند کو یہ لگا دیکھو کیسا گہن ـ چاند میری زمیں، پھول میرا وطن ـ دیکھنا یہ وطن بھی تھا روشن کبھی ـ یہ مہکتا گلوں سے تھا گلشن کبھی ـ اب تو اِس پر اندھیرے ہیں سایہ فگن ـ چاند میری زمیں، پھول میرا وطن ـ محکمہ یوں تو اپنا ہے بجلی کا بھی ـ گیس کا بھی ہے دیکھو یہ پانی کا بھی ـ اور ترستے ہیں اِن سے بھی اہلِ وطن ـ چاند میری زمیں، پھول میرا وطن ـ ہوگیا ملک میں، راجہ چوپٹ کا راج ـ ہر نگر میں اندھیرا اندھیرا ہے آج ـ کیسا ویران وامِق! ہوا یہ چمن ـ چاند میری زمیں، پھول میرا وطن ـ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فاعِلُن فاعِلُن فاعِلُن فاعِلُن ۔ بحر ۔ متدارک مثمن سالم ۔ شاعر ـ غلام محمد وامِق، محرابپور سندھ ـ مورخہ، 09، ستمبر ـ 2014، بروز منگل کہی نظم ۔

ساقی جاوید سے معذرت کے ساتھ 

    " چاند میری زمیں پھول میرا وطن " 

           ـــــــــــــــــــــــــــــــــــــــــــ

            شاعر ـ غلام محمد وامِق 

اِس کے افسر فقط عیش کرتے رہے ـ 

سانپ بن کے اسے سارے ڈستے رہے ـ

اس کے دہقاں ہمیشہ رہے ننگے تن ــ 

                     چاند میری زمیں، پھول میرا وطن ـ 

باغباں اِس چمن کو جلاتے رہے ـ

حکمراں ملک کو بیچ کھاتے رہے ـ

اور تڑپتا رہا، اس کا ہر مرد و زن ـ

                    چاند میری زمیں، پھول میرا وطن ـ

دیکھو مٹی سے بھرپور اس کی نَہَر ـ 

اِس کے کھلیان سارے ہوئے  بے ثمر ـ 

اور سُلگتے رہے  اِس کے کوہ و دمن ـ 

                    چاند میری زمیں، پھول میرا وطن ـ

کوئی اِس کا مسیحا بھی ملتا نہیں ـ

کوئی فریاد اِس کی کو  سنتا نہیں ـ 

کَرگسوں کا  یہ مَسکن،  بنا ہے  چمن ـ

                    چاند میری زمیں، پھول میرا وطن ـ

اِس میں آباد تھے دیکھو اہلِ ہُنَر ۔ 

روشنی سے مُنوّر  تھا ہر اِک نگر ۔ 

چاند کو یہ لگا  دیکھو کیسا  گہن ـ

                    چاند میری زمیں، پھول میرا وطن ـ 

دیکھنا یہ وطن بھی تھا روشن کبھی ـ

یہ مہکتا گلوں سے  تھا گلشن کبھی ـ 

اب تو اِس پر اندھیرے ہیں سایہ فگن ـ 

                     چاند میری زمیں، پھول میرا وطن ـ 

محکمہ یوں تو اپنا ہے بجلی کا بھی ـ

گیس کا بھی ہے دیکھو یہ پانی کا بھی ـ

اور ترستے ہیں اِن سے بھی اہلِ وطن ـ

                     چاند میری زمیں، پھول میرا وطن ـ 

ہوگیا ملک میں، راجہ چوپٹ کا راج ـ

ہر نگر میں اندھیرا  اندھیرا ہے آج ـ 

کیسا ویران وامِق!  ہوا  یہ  چمن ـ 

                     چاند میری زمیں، پھول میرا وطن ـ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

فاعِلُن فاعِلُن فاعِلُن فاعِلُن ۔ 

 بحر ۔ متدارک مثمن سالم ۔ 

شاعر ـ غلام محمد وامِق، محرابپور سندھ ـ

مورخہ، 09، ستمبر ـ 2014، بروز منگل کہی نظم ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

SHARE THIS