تم سے بچھڑ کے دیکھو یہ حال ہو گیا ہے۔ جیسے شجر سے پتّا کوئی ... جدا ہوا ہے۔ رنگت اڑی اڑی سی, چہرہ بجھا بجھا سا لگتا ہے شہر دل میں کچھ تو بُرا ہوا ہے ۔۔۔ میں تیری رہ گزر میں بیٹھا ہوں اس طرح سے جیسے کوئی بھکاری رستے میں بیٹھتا ہے۔ سر کو نہیں جھکایا باطل کے آگے جس نے وہ مسکرا کے دیکھو, سولی پہ چڑھ گیا ہے۔ یہ بھوکے ننگے انساں سب سے یہ پوچھتے ہیں ۔ کیا میٹھی گفتگو سے کچھ پیٹ بھی بھرا ہے ؟ وامق ! یہ دل لگی کی باتیں میں کیسے لکھوں ؟ خامہ بھی خوں چکاں ہے۔ دل بھی لہو ہوا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مفعول فاعلاتن مفعول فاعلاتن ۔ بحر ۔ رمل مثمن مشکول مسکّن ۔ شاعر ـ غلام محمد وامِق، محراب پور سندھ ـ فروری 1990ء میں کہی گئی غزل ـ

===   غـــــزل  === 

     غلام محمد وامق 

تم سے بچھڑ کے دیکھو یہ حال ہو گیا ہے۔

جیسے شجر سے پتّا کوئی ... جدا ہوا ہے۔

رنگت اڑی اڑی سی, چہرہ  بجھا بجھا سا

لگتا ہے شہر دل میں کچھ تو بُرا ہوا ہے ۔۔۔ 

میں تیری رہ گزر میں بیٹھا ہوں اس طرح سے

جیسے کوئی بھکاری رستے میں بیٹھتا ہے۔

سر کو نہیں جھکایا باطل کے آگے جس نے

وہ مسکرا کے دیکھو, سولی پہ چڑھ گیا ہے۔

یہ بھوکے ننگے انساں سب سے یہ پوچھتے ہیں ۔ 

کیا میٹھی گفتگو سے کچھ پیٹ بھی بھرا ہے ؟ 

وامق ! یہ دل لگی کی باتیں میں کیسے لکھوں ؟ 

خامہ بھی خوں چکاں ہے۔ دل بھی لہو ہوا ہے۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

مفعول فاعلاتن مفعول فاعلاتن ۔ 

بحر ۔ رمل مثمن مشکول مسکّن ۔ 

شاعر ـ غلام محمد وامِق، محراب پور سندھ ـ 

فروری 1990ء میں کہی گئی غزل ـ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

SHARE THIS