بیباکی معاف ــــــــــــــــــــــــــــ تحریر ـ غلام محمد وامِق ـ کسی بھی شےء کی حقیقت جانچنے کے لئے، یہ دیکھا جاتا ہے کہ، درحقیقت وہ شےء ہے، یا پھر نہیں ہے، جیسا کہ ـــ " ایمان ہے، یا پھر نہیں ہے " ــ درمیان میں کچھ نہیں ہوتا ـ اسی طرح مزید مسئلہ سمجھنے کے لئے، ہم یہ کہیں گے کہ ۱. " اللہ ہے ـ یا پھر ـ الله نہیں ہے ( نعوذبااللہ) ــ۲. اگر اللہ نہیں ہے، جیسا کہ دہریّہ لوگ سمجھتے ہیں تو پھر جو چاہے کرتے پھرو ـــ ۳. لیکن اگر اللہ ہے، تو پھر ظاہر ہے کہ، اللہ دیکھتا بھی ہے، سنتا بھی ہے، وہ اکیلا ہے، اس کا کوئی بھی ، کسی بھی قسم کا رشتے دار نہیں ہے ـ وہ ہر چیز پر قادر ہے، انسانوں اور حیوانوں، چرند اور پرند کے دلوں میں اٹھنے والے احساسات و خیالات کو بھی جانتا ہے ـ اور دن یا رات کے کسی بھی لمحے میں اپنی مخلوق کے کسی بھی فعل سے وہ غافل نہیں ہے ـ ہر قسم کی بیماری دینے اور ہر بیماری، پریشانی یا تکلیف سے شفا دینے پر بھی وہ قادر ہے، وہ ہر دعا مانگنے والے کی دعا سنتا ہے، مزید یہ کہ وہ ہر دعا مانگنے والے کو پسند بھی کرتا ہے ــ ( یہ ایمان ہر اس شخص کا ہے، جو اللہ کی ذات کے ہونے پر یقین رکھتا ہے) ـــــــــــ تو پھر ............ ہمارا کوئی بھی حکمران ( جوکہ بظاہر ہر چیز اللہ کے حکم سے ہونے پر یقین رکھتا ہے) یہ کیوں نہیں کہتا کہ، سب لوگ مل کر اللہ سے اپنے گناہوں کی معافی مانگیں، یعنی زیادہ سے زیادہ استغفار کریں ـ اور اللہ کے سامنے سربسجود ہوکر، اس بیماری " کورونا " ( اگر واقعی یہ کوئی خدائی آفت ہے) ـــ سے محفوظ رہنے کے لئے، اور اس سے بچنے کے لئے، سچے دل سے زیادہ سے زیادہ دعا کریں، کیونکہ علاج تو اس کا فی الحال ہے ہی نہیں، اگر علاج ہوتا بھی، تب بھی ضروری ہے کہ پوری قوم، بلکہ پوری دنیا، صرف اور صرف اللہ تعالیٰ سے استغفار اور دعا کریے ، دعا میں بہت بڑی طاقت رکھی ہے اللہ تعالیٰ نے ــ ( میں ذاتی تجربات کی بنا پر دعوے کے ساتھ یہ بات کر رہا ہوں) ــ اور یہ ہمارے ایمان کا حصہ بھی ہے ـ ( اگر واقعی ہمارا ایمان ہے تو) آپ خلوصِ نیت سے دعا کریں، اللہ تعالیٰ خود ہی، کورونا کے خاتمے کے اسباب مہیا کردے گا، (ان شاءالله) ـــ جب کہ اس کے برعکس ہماری دنیا کے سارے حکمران اس خدائی آفت کا مقابلہ کرنے کی بات کرتے رہتے ہیں ـــ یہ دوغلی پالیسی خدا کے سامنے کبھی نہیں چلے گی ــ خدارا سمجھئے ـ دو میں سے ایک بات کا انتخاب کیجئے ـــ یا تو اللہ پر سچا ایمان ــ یا پھر اللہ کو نہ ماننے کا اعلان ـــ ایسا مت سوچیں کہ، " رِند کے رِند رہے، ہاتھ سے جنت نہ گئی " ـــــــــــــــــــــــــــــ تحریر ـ غلام محمد وامِق، محرابپور سندھ، فون ـ 0315 3533437 ــ تاریخ، 21 جون، 2020، اتوار ـ
