غزل
غلام محمد وامِق
ڈرے کو ڈرانے سے کیا فائدہ ؟
گِرے کو گِرانے سے کیا فائدہ ؟
حقیقت چھپانے سے چھپتی نہیں ۔
حقیقت چھپانے سے کیا فائدہ ؟
نشہ کر کے سوئے پڑے ہیں سبھی ۔
کسی کو جگانے سے کیا فائدہ ؟
کبھی با وفا کوئی ہوتا نہیں ۔
تو نخرے اٹھانے سے کیا فائدہ ؟
مُقدّر بچھڑنا ہی ٹھہرا ہے جب ۔
تو خود کو جلانے سے کیا فائدہ ؟
عَمَل جو کرو گے وہی پاؤ گے ۔
کسی کو ستانے سے کیا فائدہ ؟
نہیں ساتھ دیتے تو بے شک نہ دو ۔
بہانے بنانے سے کیا فائدہ ؟
ہے کھانا کھلانا تو اچھا مگر ۔
دکھا کر کھلانے سے کیا فائدہ ؟
مُحبّت ہے وامِق بقائے وجود ۔
یہ نفرت بڑھانے سے کیا فائدہ ؟
ـــــــــــــــــــــــــــ
شاعر - غلام محمد وامِق ۔
فَعولن فَعولن فَعولن فَعَل ۔
بحر - متقارب مثمن محذوف ۔
19 مارچ 2025ء بروز بدھ کو مکمل ہوئی ۔
