ھریاٹوی غزل
۔
شاعر ۔ غلام محمد وامِق
اتنے دناں میں کیوکر آیا، ھام نَیں بی سمجھا دے نَیں ۔
کچھ تو کام ہی ہوگا تَن نَے ساچی ساچ بتا دے نَیں ۔
ساری دنیا نَیں سمجھاوَ، بڻ کَ سماج سُدھارک توں ۔
آپنے سارے چھوریاں نیں بی کچھ تو ادب سکھا دے نَیں ۔
کاپی پیسٹ کر کر کے نَیں، بڻ ریا عالم فاجل توں ۔
آپڻے ھات تَ لکھ کَ نَیں توں، کدے تو کچھ سمجھا دے نَیں ۔
چوکیدار بڻايا تھا توں، گام کا مالک بڻ بیٹھیا ۔
گام کا مالک بڻ ریا سَہ تَو، اُجڑیا گام بسا دے نَیں ۔
کِسے نَیں بولڻ کونی دیندا، گلے تو سب کے گھوٹ دیے ۔
اتنا ئے جور سَہ تیرے مَیں تَو، دشمن مار بھجا دے نَیں ۔
آندھَیاں آگے روڻ تَ وامِق، آپڻے نین اے کھووَ گا ۔
روڻا دھوڻا بند کر کَ نَیں، جُلَم کا نام مٹادے نَیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فعلن فعل فعولن فعلن فعل فعولن فعلن فع ۔
فعل فعولن فعل فعولن فعلن فعلن فعولن فع ۔
شاعر ۔ غلام محمد وامِق محراب پور سندھ ۔ پاکستان
ــــــــــــــــــــــــــــــــــــــــــــــــــــــــــــــــــــ
हरियाणवी रच्ना
कवी । ग़ुलाम मुहम्मद वामिक़
इतने दिनां में कियूकर आया हाम ने बी सम्झा दे नें ।
कुछ तो काम भी होगा तन्ने साची साच बता दे नें ।
सारी दुनिया ने सम्झाव बण के समाज सुधारक तू ।
आपणे सारे छोर्यां ने बी कुछ तो अदब सिखा दे नें ।
कापी पेस्ट कर कर के नें बण रिया आलम फाजल तू ।
आपणे हाथ ते लीख के नें तू कदे तो कुच्छ सम्झा दे नें ।
चौकीदार बणाया था तूं गाम का मालीक बण बेठ्या ।
गाम का मालीक बण रिया से तो उज्ड़्या गाम बसा दे नें ।
किसे ने बोलण कोनी देंदा गले तो सब के घैंट दिए ।
इतना ए जोर से तेरे में तो दुश्मन मार भजा दे नें ।
आंध्यां आगे रोण ते वामिक़ आपणे नेंन ए खोवे गा ।
रोणा धोना बंद कर के नें जुलम का नाम मिटादे नें ।
कवी। ग़ुलाम मुहम्मद वामिक़
मेहराब पुर सिनध ।
पाकिस्तान ।