اے بھولنے والے، ہو تجھے عید مبارک ... اے کاش مجھے تُو بھی کہے عیدمبارک ... ہر عید پہ ہوتا ہے ستم، تیرے بنا یوں ... ہر شخص کہے مل کے مجھے عیدمبارک ... اپنی تو یوں ہی عید گزر جائے گی لیکن ... تُو جس سے ملے عید، اُسے عید مبارک ... یہ عید بھی کیا ہے کہ، رہ و رسم کی خاطر ... ہر شخص کہے مِل کے گلے، عید مبارک ... ہر عید پہ ملنے کو بلایا اسے، لیکن ... ہر بار وہ خط میں ہی لکھے عید مبارک ... میں نے جو کہا عید ہے، دیکھو تو اِدھر بھی ... تو اُس نے کہا ہنس کے، ارے! عید مبارک ... اِک خواہشِ دیرینہ کی تکمیل ہوئی تھی ... جب اس نے کہا مل کے گلے، عید مبارک ... غیروں سے تو ہنس ہنس کے ملے خوب وہ لیکن ... مُنہہ پھیر کے وامِق سے کہے، عید مبارک ۔۔۔۔۔۔۔۔۔۔۔۔۔۔۔۔۔۔۔ مفعول مفاعیل مفاعیل فعولن ۔ بحر ۔ ہزج مثمن اخرب مکفوف محذوف شاعر ـ غلام محمد وامِق، محراب پور سندھ، مئی 1985ء میں کہی گئی غزل ـ

          ****   عید مبارک   **** 

                  غلام محمد وامِق    

اے بھولنے والے،   ہو تجھے عید مبارک ... 

اے کاش مجھے تُو بھی کہے عیدمبارک ... 

ہر عید پہ ہوتا ہے ستم، تیرے بنا یوں ... 

ہر شخص کہے مل کے مجھے عیدمبارک ... 

اپنی تو یوں ہی عید گزر جائے گی لیکن ... 

تُو جس سے ملے عید،  اُسے عید مبارک ...  

یہ عید بھی کیا ہے کہ، رہ و رسم کی خاطر ... 

ہر شخص کہے مِل کے گلے،  عید مبارک ... 

ہر عید پہ ملنے کو بلایا اسے،  لیکن ...

ہر بار وہ خط میں ہی لکھے عید مبارک ... 

میں نے جو کہا عید ہے، دیکھو تو اِدھر بھی ... 

تو اُس نے کہا ہنس کے،  ارے!  عید مبارک ... 

اِک خواہشِ دیرینہ کی تکمیل ہوئی تھی ... 

جب اس نے کہا مل کے گلے،  عید مبارک ... 

غیروں سے تو ہنس ہنس کے ملے خوب وہ لیکن ... 

مُنہہ پھیر کے  وامِق سے کہے،  عید مبارک ... 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

مفعول مفاعیل مفاعیل فعولن ۔ 

بحر ۔ ہزج مثمن اخرب مکفوف محذوف 

 شاعر ـ غلام محمد وامِق،  محراب پور سندھ،

مئی 1985ء میں کہی گئی غزل ـ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

SHARE THIS