غلام محمد وامِق
تجھ سے ہرگز نہیں غافِل ٹھہرے ۔
پھر بھی ہم ہی ہیں کہ سنگ دِل ٹھہرے ۔
جدّتِ علم کے جو ہیں وارث ۔
کیا تماشا ہے کہ جاہِل ٹھہرے ۔
زہر پیتے ہیں جو سچ کی خاطر ۔
ہائے سقراط وہ باطِل ٹھہرے ۔
پکڑا قاتل نہیں جا سکتا کبھی ۔
جب کہ قاتِل ہی جو عادِل ٹھہرے ۔
ہاں ڈبونے کو مجھے دریا میں ۔
جو بھی تھے ساتھ وہ قابِل ٹھہرے ۔
جن کو کہتے تھے کبھی سب پاگل ۔
عہدِ کم ظرف میں عاقل ٹھہرے ۔
زندگی کی جو دعا دیتے ہیں ۔
دیکھ وامِق ! وہی قاتل ٹھہرے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاعلاتن فَعِلاتن فِعلن ۔
بحر۔ رمل مسدس مخبون محذوف مسکن ۔
شاعر۔ غلام محمد وامِق ۔
8 جون سال 2024ء کو کہی گئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
