+++ غزل +++
غلام محمد وامِق
جب بھی پوچھا ساتھ تیرے کون تھا ؟
مسکرا کے وہ یہ کہتا کیا پتا ۔
لوہے کا ساتھی تھا لکڑی دستہ بھی ۔
ورنہ کیوں لکڑی، کہاڑا کاٹتا ۔
اُس کے گھر میں آنکھ والا تھا نہیں ۔
ورنہ " اندھا " ریوَڑی کیوں بانٹتا ؟
ہے خدا سے کچھ تو اُس کو دشمنی ۔
ورنہ اُس کے بندوں کو کیوں مارتا ؟
تیرے من کا آئینہ ہے زنگ شدہ ۔
ورنہ وامِق کوئی اس میں جھانکتا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاعلاتن فاعلاتن فاعلن ۔
بحر ۔ رمل مسدس محذوف ۔
شاعر ۔ غلام محمد وامِق ۔ نظرِ ثانی= مورخہ 9 جون سال۔
2024ء بروز اتوار ۔ منفرد غزل ۔