ھریانوی غزل
غلام محمد وامِق
کر کَے پاڑ تُواڑے، تھا۔۔۔ مے بِگَن مچاؤ ناں ۔
ناحق تھام گریب کا حصّہ دیکھو کھاؤ ناں ۔
مِل جُل کَے جو بانڈ کَے تھام نَیں کھانا آندا نئیں ۔
بِیچ بَگَڑ مَیں بیٹھ کَے پھَیر تو روٹی کھاؤ ناں ۔
کام جِنَوراں کا سَے لڑنا آپس میں بھائیو ۔
دیکھو لَڑ کَے کِسے کا بی تو کھُون بہاؤ ناں ۔
ماٹی کے ساں اِک دن ھام نَیں ماٹی ھو جانا ۔
جانا سَے جو ماٹی مَیں تو اکَڑ دکھاؤ ناں ۔
پیاری لاگَے، سوھنی لاگَے سَے دُنیا پھَیر بی ۔
دیکھو دیکھو دُنیا کَے تھام لَوب مَیں آؤ ناں ۔
آپنَے دل نَیں ٹھنڈا راکھو اور دِماگ نَیں بی ۔
چَھو مَیں آ کَے دیکھو آپنا لَہوُ جلا ؤ ناں ۔
پیار محبّت کرنا وامِق آچھا سَے لیکن ۔
دھیان مَیں راکھو حد سَے زیادہ کِسَے نَیں چاھو ناں ۔
ـــــــــــــــــــــــــــــــــــ
شاعر - غلام محمد وامِق محراب پور سندھ ۔
हरियाणवी ग़ज़ल
ग़ुलाम मुहम्मद वामिक़
कर क पाड़ तुवाड़े थामे बिगन मचा ओ नां ।
नाहक़ थाम गरीब का हिस्सा देखो खाओ ना ।
मिल जुल क जो बांड क थाम नं खाणा आंदा न्ईं ।
बीच बगड़ मं बेठ क फेर तो रोटी खाओ ना ।
काम जिनोरां का से लड़्ना आपस मं भाई यो ।
देखो लड़ क किसे का बि तो खून बहाओ ना ।
माटी के सां इक दिन हाम नं माटी हो जाणा ।
जाणा स जो माटी मं तो अकड़ दिखाओ ना ।
पियारी लाग ए, सोहणी लाग ए स दुनिया फेर बी ।
देखो देखो दुनिया क थाम लोब मं आ ओ नां ।
आपणे दिल नं ठंडा राखो ओर दिमाग नं बी ।
छो मं आ क देखो आप्णा लहू जलाओ नां ।
प्यार मुहब्बत कर्णा वामिक़ आछा स लेकिन ।
धियान मं राखो हद स ज़यादा किसे नं चाहो नां ।
_______________________
शाइर । ग़ुलाम मुहम्मद वामिक़
मेहराब पूर संथ।
पाकिस्तान।
