ھریانوی نظم ( مزدور کَے نام )
غلام محمد وامِق
سارا دن جو کام کرَے سَے ۔
مشکل تَے آرام کرَے سَے ۔
محنت کر کَے دن گزرَے سَے
سوچاں مَیں دن رات رھوَے سَے
چھُٹّی جس کََے نام پَے ھو وَے ۔
وہ تو اُس دن کام پَے ھو وَے ۔
کُچھ تو حیا کر اے انسان ۔
زندہ رَوَیں مزدور کسان ۔
بَچّے اُس کے بُوکھ تَے رو وَیں ۔
ساری ساری رات ناں سو وَیں
بچّے پڑھن بی جا نئیں سکدے ۔
کھانا پورا کھا نئیں سکدے ۔
رشتے بچیاں کے نئیں آندے ۔
سب کَے آگے دکھ نئیں گاندے ۔
کچھ تو حیا کر اے انسان ۔
زندہ رَوَیں مزدور کسان ۔
نام پَے جِن کَے مال بنا وَیں
دُنیا مَیں تقریب منا وَیں ۔
اُن کَے نام پَے نام کماوَیں ۔
دنیا بھر میں شور مچاوَیں ۔
یومِ مئی کا ڈھول بجاوَیں
وامِق کتنا ظلم کماوَیں ۔
کُچھ تو حیا کر اے انسان ۔
زندہ رَوَیں مزدور کسان ۔
ــــــــــــــــــــــــــــ
شاعر - غلام محمد وامِق ۔
محراب پور سندھ ۔
हरियाणवी नज़्म।
मज़्दूर क नाम।
कवी - ग़ुलाम मुहम्मद वामिक़
सारा दिन जो काम करे स।
मुश्किल त आराम करे स ।
मेहनत कर क दिन गुज़रे स।
सोचां मं दिन रात रहवे स ।
छुट्टी जिस क नाम प हो व ।
वो तो उस दिन काम प हो व।
कुछ तो हया कर ऐ इंसान ।
ज़िंदा रवं मज़्दूर किसान ।
बच्चे उस के बूख त रोवं ।
सारी सारी रात नां सोवं ।
बच्चे पढ़ण बि जा न ईं सक्दे ।
खाणा पुरा खा न ईं सक्दे।
रिश्ते बच्चियां के न ईं आंदे ।
सब क आगे दुख न ईं गंदे ।
कुछ तो हया कर ऐ इंसान ।
ज़िंदा रवं मज़्दूर किसान ।
नाम प जिन क माल बणा वं ।
दुनिया मं तक़्रीब मना वं ।
उन क नाम प नाम कमा वं ।
दुनिया भर मं शोर मचा वं ।
योमे मई का ढोल बजा वं ।
वामिक़ कितना ज़ुलम कमा वं ।
कुछ तो हया कर ऐ इंसान ।
ज़िंदा रवं मज़्दूर किसान ।
______________________
कवी - ग़ुलाम मुहम्मद वामिक़।
मेहराब पूर सिंध ।
पाकिस्तान।
