ہے انساں کی سوچوں پہ تلوار اب بھی ۔ یہ رسموں رواجوں کی دیوار اب بھی ۔ بظاہر جو لگتے ہیں ہر شئے سے غافل ۔ ہیں مطلب پہ اپنے وہ ہشیار اب بھی ۔ پرانا کہاں قصہ چنگیز خاں کا ۔ کہ بنتے ہیں لاشوں کے مینار اب بھی ۔ غریبوں کو کچھ بھی نہیں ملتا لیکن ۔ ہیں مالک یہ غلوں کے، زردار اب بھی ۔ سنو ! دعویداران تقدیسِ انساں ۔ یہ انسانیت ہے ، سر دار اب بھی ۔ ہیں آزاد ہم یوں تو ظاہر میں لیکن ۔ مقید ، ہمارے ہیں افکار اب بھی ۔ کہیں پھر نہ فرہاد تیشہ اٹھالے ۔ کہ ڈر سے لرزتے ہیں کہسار اب بھی ۔ کبھی جرم الفت ہوا تھا، مگر دل ۔ صبح و شام ہوتا ہے سنگسار اب بھی ۔ شہیدِ محبت کے چہرے سے دیکھو ۔ ہویدا ہیں عظمت کے آثار اب بھی ۔ کبھی گل کے پہلو میں دیکھے تھے ہم نے ۔ کھٹکتے ہیں آنکھوں میں وہ خار اب بھی ۔ امنگیں جوانی کی مٹتی گئیں سب ۔ مگر جوں کا توں ہے تیرا پیار اب بھی ۔ ہے دل میں یقیں اس کو میری وفا پر ۔ مگر ضد کے باعث ہے انکار اب بھی ۔ جو لینے گئے جنس الفت تو دیکھا ۔ بھرے ہیں عداوت سے بازار اب بھی ۔ زباں تم نے کاٹی تو کیا غم ہے وامق ۔ یہ دل تو ہے حق کا پرستار اب بھی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاعر ۔ غلام محمد وامق ، محراب پور سندھ ۔ اکتوبر 1985ء میں کہی گئی غزل ۔

 غ ۔ ز ۔ ل 

      غلام محمد وامق 

ہے انساں کی سوچوں پہ تلوار اب بھی ۔ 

یہ رسموں رواجوں کی دیوار اب بھی ۔ 

بظاہر جو لگتے ہیں ہر شئے سے غافل ۔ 

ہیں مطلب پہ اپنے وہ ہشیار اب بھی ۔ 

پرانا کہاں قصہ چنگیز خاں کا ۔ 

کہ بنتے ہیں لاشوں کے مینار اب بھی ۔ 

غریبوں کو کچھ بھی نہیں ملتا لیکن ۔ 

ہیں مالک یہ غلوں کے، زردار اب بھی ۔ 

سنو ! دعویداران  تقدیسِ انساں ۔ 

یہ انسانیت ہے ، سر دار اب بھی ۔ 

ہیں آزاد ہم یوں تو ظاہر میں لیکن ۔ 

مقیّد ، ہمارے ہیں افکار اب بھی ۔ 

کہیں پھر نہ فرہاد تیشہ اٹھالے ۔ 

کہ ڈر سے لرزتے ہیں کہسار اب بھی ۔ 

شہیدِ محبت کے چہرے سے دیکھو ۔ 

ہُویدا ہیں عظمت کے آثار اب بھی ۔ 

کبھی گل کے پہلو میں دیکھے تھے ہم نے ۔ 

کھٹکتے ہیں آنکھوں میں وہ خار اب بھی ۔ 

امنگیں جوانی کی مٹتی گئیں سب ۔ 

مگر جوں کا توں ہے تیرا پیار اب بھی ۔ 

ہے دل میں یقیں اس کو میری وفا پر ۔ 

مگر ضد کے باعث ہے انکار اب بھی ۔ 

جو لینے گئے جنسِ الفت تو دیکھا ۔ 

بھرے ہیں عداوت سے بازار اب بھی ۔ 

زباں تم نے کاٹی تو کیا غم ہے وامق ۔ 

یہ دل تو ہے حق کا پرستار اب بھی ۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

فعولن فعولن فعولن فعولن ۔ 

بحر ۔ متقارب مثمن سالم 

شاعر ۔ غلام محمد وامق ، محراب پور سندھ ۔ 

اکتوبر 1985ء میں کہی گئی غزل ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

SHARE THIS