کچھ تو بڑھاؤ تم بھی قدم آج عید ہے ۔ جائز نہیں ہے آج ستم آج عید ہے ۔ دیکھو نہ ہونا چاہیے غم آج عید ہے ۔ روٹھو نہ تم خُدا کی قسم آج عید ہے ۔ تجھ سے اگر ہیں دور تو پھر عید کیا ہوئی ؟ تیرے قریب آج ہیں ہم، آج عید ہے ۔ یوں تو رہے ہو دور ہمیشہ ہی تم مگر ۔ آنکھیں ہیں اِس خیال سے نَم آج عید ہے ۔ تم جو گلے ملے تو تمہارا نہیں کمال ۔ مولائے پاک کا ہے کَرَم آج عید ہے ۔ مُنہ پھیر کر وہ آج بھی وامِق گزر گیا ۔ نکلے تھے اِس خیال سے ہم آج عید ہے ۔۔۔۔۔۔۔۔۔۔۔۔۔۔۔۔ مفعول فاعلات مفاعیل فاعلن ۔ بحر ۔ مضارع مثمن اخرب مکفوف محذوف ۔ شاعر ۔ غلام محمد خان مئی سال 1985ء میں کہی گئی غزل ۔

 ===   آج عید ہے   ===

     غلام محمد وامِق 

کچھ تو بڑھاؤ تم بھی قدم آج عید ہے ۔ 

جائز نہیں ہے آج ستم آج عید ہے ۔ 

دیکھو نہ ہونا چاہیے غم آج عید ہے ۔ 

روٹھو نہ تم خُدا کی قسم آج عید ہے ۔ 

تجھ  سے اگر ہیں دور تو پھر عید کیا ہوئی ؟ 

تیرے قریب آج ہیں ہم، آج عید ہے ۔ 

یوں تو رہے ہو دور ہمیشہ ہی تم مگر ۔ 

آنکھیں ہیں اِس خیال سے نَم آج عید ہے ۔ 

تم جو گلے ملے تو تمہارا نہیں کمال ۔ 

مولائے پاک کا ہے کَرَم آج عید ہے ۔ 

مُنہ پھیر کر وہ آج بھی وامِق گزر گیا ۔ 

نکلے تھے اِس خیال سے ہم آج عید ہے ۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مفعول فاعلات مفاعیل فاعلن ۔ 

بحر ۔ مضارع مثمن اخرب مکفوف محذوف ۔ 

شاعر ۔ غلام محمد خان 

مئی سال 1985ء میں کہی گئی غزل ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

SHARE THIS