= نظم ۔ــ دولت کے سب گورکھ دھندے =
شاعر ۔ غلام محمد وامِق ۔
ــــــــــــــــــــــــــــــــــــــــــــــــــــــــ
دنیا میں اندھیر مچا ہے ۔۔۔ ظالم منصف بنا ہوا ہے
دیکھو کیسا دور ہے آیا ۔۔۔ باعثِ عزّت ہے سرمایا ۔
رشتے ناطے خواب ہوۓ ہیں۔۔۔مہر و وفا نایاب ہوۓ ہیں
شیطاں نے پھیلاۓ پھندے ۔۔۔ دولت کے سب گورکھ دھندے
دولت دیکھ کے جھکتے ہیں سَر۔۔۔دولت مسجد دولت مندر
دولت دین ہے، دولت مزہب ۔۔۔ غیرت عزّت دولت ہےسب
دولت ہی مسجود ہوٸی ہے۔۔۔ دولت ہی معبود ہوٸی ہے ۔
دولت کے سب بن گٸے بندے۔۔۔دولت کے سب گورکھ دھندے
دولت کا ہر اِک شیداٸی ۔۔۔ دولتمند سب بھاٸی بھاٸی ۔
مفلِس سے ہے کس کا ناطہ۔۔۔دولت باپ ہے دولت بیٹا ۔
دولت ہے شیطاں کا حَربہ ۔۔۔ظلم و ستم ہے اس سے برپا ہِرص و ہوس میں ہیں سب اندھے۔دولتکے سب گورکھدھندے
دولت ہے دشمن انساں کی ۔۔۔یہ ہے خواہش ہر شیطاں کی
اس سے ہی سب بنے ہیں شیطاں۔۔۔دولت آٸے، جاٸے ایماں
گر منصف کی جھولی بھر دے ۔۔۔ مقتولوں کو قاتل کر دے
بھینسیں اُن کی جن کے ڈنڈے۔۔۔دولت کے سب گورکھدھندے
تھانہ کچہری اور عدالت ۔۔۔ مُفلِس کے حق میں ہے آفت ۔
کیسی یاری کیسی عداوت ۔۔۔ کیسی شفقت اور سخاوت ۔
کیسی دلیری اور شجاعت ۔۔۔کیسی وامِق ! تیری ریاضت
بن گٸے سب کھانے کے دھندے۔۔۔دولت کے سب گورکھ دھندے
دولت کے سب گورکھ دھندے۔۔۔دولت کے سب گورکھ دھندے
ـــــــــــــــــــــــــــــــــــــــــــــــ
شاعر ــ غلام محمد وامِق، محراب پور سندھ ... دسمبر سال 1993 میں لکھی گٸی۔
