=== غزل ===
غلام محمد وامِق
تیرا جمال ہے، فصلِ بہار ہے، کیا ہے۔
تیرا شباب ہے، گل پہ نکھار ہے، کیا ہے
نہ پا سکو گے مجھے، تم یہاں پہ کل یارو ۔
میرا وجود کسی کا ادھار ہے، کیا ہے ۔۔۔۔
میں اپنے شہر میں رہتا ہوں اجنبی کی طرح ۔
دیارِ غیر ہے ۔۔۔ میرا دیار ہے ،۔۔۔۔ کیا ہے ۔۔؟
سلگ رہا ہے، میرے جسم و جاں کا ہر پہلو ۔
دلِ حزیں ہے کہ جلتا شرار ہے کیا ہے
زمیں سے حدِ فلک تک یہ روشنی وامِق ! ۔۔۔
تمہاری راہ کا گرد و غبار ہے ، کیا ہے ؟ ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفاعلن فَعِلاتن مفاعلن فَع٘لن ۔
بحر۔ مجتث مثمن مخبون محذوف مسکن ۔
اپریل، 1980 میں لکھی گٸی غزل۔
شاعر ـ غلام محمد وامق۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
