÷÷÷ غزل ÷÷÷
غلام محمد وامِق
بعد مَرنے کے اپنے، کیا ہوگا ۔ }
عارضی ماتمِ رِیا ہوگا ۔ }
} ق
لوگ روئیں گے بس گھڑی بھر کو ۔۔ }
میلہ خوشیوں کا پھر سجا ہوگا ۔ }
اے غمِ دوست بس ٹھہر دم بھر ۔
دل میں کیا غم بھی دوسرا ہوگا ۔
یوں تو کہنے کو یاد باقی ہے ۔
دل جلا ہے تو کیا بچا ہوگا ؟ ۔
حال میرا بھی پوچھ لے کوئی ۔
اِس سے دل کو تو حوصلہ ہوگا ۔
بات کہنے کو کچھ نہیں لیکن ۔
تیرا لہجہ نہ وہ رہا ہوگا ۔
لوگ مخلص بہت ملے ہوں گے ۔
کوئی مجھ سا نہیں ملا ہوگا ۔
لوگ کرتے ہیں کس لئے وعدہ ؟ ۔
ایسا وعدہ کہ نا وفا ہو گا ۔
بات کرتے ہو آج وامِق کی ۔
آتشِ غم میں جل گیا ہوگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاعلاتن مفاعلن فَع٘لن ۔
بحر۔ خفیف مسدس مخبون محذوف مقطوع ۔
شاعر ۔ غلام محمد وامِق ۔
مورخہ 28 فروری سال 2019ء کو کہی گئی غزل ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
