=== غزل ===
غلام محمد وامِق
خاموش ہمیں کرنے کو آئے ہیں ستمگر ۔
خاموش کبھی رہ نہیں سکتے ہیں سخن ور ۔
حشرات کے کھانے کو بہت رزق ہے لیکن ۔
انسان کے سینے میں ہے افلاس کا خنجر ۔
چالاک بہت تھا ہوا آخر وہ گرفتار ۔
غافل جو پرندہ ہوا صیّاد سے پل بھر ۔
دریا میں بنانا ہے ہمیں راستہ خود ہی ۔
دیتی نہیں پانی کی یہ دیواریں کبھی در ۔
آسانی سے ملتا ہی نہیں گوہرِ مقصود ۔
حق کے لئے وامِق یہاں لڑنا ہے مقدّر ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفعول مفاعیل مفاعیل فعولن ۔
بحر ۔ ہزج مثمن اخرب مکفوف محذوف ۔
شاعر ۔ غلام محمد وامِق ۔
مئی سال 1992ء میں کہی گئی غزل ۔
نظرِ ثانی ۔ 3 جون سال 2024ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
